Prishtinë, 29 mars - Kryetari i Kuvendit të Kosovës, Jakup Krasniqi, priti sot një delegacion të Sindikatës së Pavarur të PTK së, i cili i dorëzoi kryekuvendarit një peticion.

Ky delegacionin i dorëzoi kryekuvendarit Krasniqi një peticion, të nënshkruar nga punonjës të njësive të PTK-së, nëpërmjet të të cilit kërkohet ndër të tjera të ndërpritet procesi i privatizimit të PTK-së, derisa të mos miratohet Ligji i Punës dhe ai mbi veprimin sindikal nga ana e Kuvendit të Kosovës.

Kreu i legjislativit të vendit, Krasniqi, theksoi se i kupton shqetësimet e punonjësve, ndërsa sa i përket aprovimit të ligjeve ai theksoi se Ligji i Punës do të aprovohet brenda këtij viti.