Beograd, 11 nëntor - Ministri i Transportit i Serbisë Milutin Merkonjiç deklaron se Serbia planifikon ndërtimin e një autostrade nga Negotini përmes Zajeçarit, Nishit, Prishtinës dhe Pejës, deri në kufi me Shqipërinë.

Komentet e tij vijnë pasi në takimin e kësaj jave në Bruksel, mes të kryeminstrit të Kosovës, Hashim Thaçi, atij serb, Ivica Daçiç dhe kryediplomates evropiane, Catherine Ashton, u tha se është arritur pajtim, për krijimin e një grupi punues, që do të përgatiste studimin e ndërtimit të autostradës Prishtinë-Nish.

Ndërkaq, siç raportuan mediat nga Bashkimi Europian është kërkuar financimi i projektit.

“Kreu i qeverisë, Ivica Daçiç është njeri shumë praktik dhe e di programin e zhvillimit të trafikut të Serbisë”, ka thënë Mërkonjiç për mediat serbe.