SHBA, 25 qershor - Sipas të dhënave të presidentit amerikan Barack Obama, prodhuesi amerikan i avionëve Boeing do të shesë 50 avionë në Rusi.

Tregtia ka një vlerë prej katër miliardë dollarësh dhe mund të sigurojë 44.000 vende pune shtesë, tha Obama pas një takimi me presidentin rus Dmitri Medvedev, në Shtëpinë e Bardhë.

Këtu u fol për thellimin e marrëdhënieve ekonomike të ndërsjella. Obama premtoi se do të angazhohej për antarësimin e Rusisë në Organizatën Botërore të Tregtisë (OBT).

Rusia po zhvillon që prej një dekade e gjysmë bisedime për tu pranuar në OBT.