Kiev, 27 gusht - Në lindjen e Ukrainës disa zona kanë rifilluar transportimin e hekurudhor, i cili do të ndihmojë për transportimin e qymyrgurit në fabrika si dhe do të mundësojë përmirësimin e furnizimit me energji, u shpreh mërkurën përfaqësuesi i posaçëm i Organizatës për Siguri dhe Bashkëpunim në Europë Martin Sajdik.

Grupi i kontaktit mbi Ukrainën (Ukraina, OSBE-ja, Rusia) zhvilloi të mërkurën një mbledhje me dyer të mbyllura, përfshirë komisionet e sigurisë, politikës, ekonomisë dhe çështjeve humanitare.

Pas takimi Sajdik u tha medieve se të dy palët duhet të ndalojnë zjarrin. Përfaqësuesi i OSBE-së shtoi se komisioni i politikës do të takohet çdo javë në shtator për të diskutuar statusin politik të pjesës lindore të Ukrainës, shtetet e vetëshpallur Donetsk dhe Luhansk.