Damask, 25 maj - Një aeroplan ukrainas i tipit "Boeing 737" me 10 udhëtarë mbërriti të dielën në aeroportin e qytetit bregdetar të Sirisë Latakia, duke shënuar fluturimin e parë të huaj në Sirinë e prekur nga lufta që nga viti 2012.

Kompania ukrainase "Autolux Airways" do të ofrojë një fluturim në javë midis Kievit dhe Latakias. Kjo kompani u siguron gjithashtu edhe shërbime transiti sirianëve në vende të tjera të botës nëpërmjet Kievit, kryesisht për në Rusi dhe ShBA.

Kompania ajrore shtetërore e Sirisë ofron fluturime vetëm në një numër të vogël vendesh, duke përfshirë disa vende të Gjirit Persik, Egjiptin dhe Rusinë.