Prishtinë, 9 shtator – Qeveria e Republikës së Kosovës, në mbledhjen e sotme ka emëruar drejtorët në Bordet e Ndërmarrjeve Publike: “Posta e Kosovës Sh.A”, “Aeroporti i Gjakovës” dhe “Hekurudhat e Kosovës – INFRAKOS Sh.A”.

Kabineti qeveritar, anëtarë të Bordit të Postës së Kosovës ka emëruar: Halit Isufin, Mejdi Gjoklin, Hysen Fazliun, Branisllav Nikoliqin, Metije Jasharin dhe Rushan Cekën.

Anëtarët e bordit të Aeroportit të Gjakovës janë emëruar: Naser Ranolli, Brikena Kryeziu, Nora Gola, Nuri Bahtijari, Zenun Shala, kurse një pozitë mbetet që të plotësohet nga komunitetet.

Ndërsa anëtarë të bordit të INFRAKOS-it, ekzekutivi ka emëruar: Njazi Selmanajn, Enver Aruqajn, Fëllënza Xhelilin, Millosh Dimiqin, Milazim Bytyçin dhe Nexhat Dedijën.