Berlin, 9 mars - Rreth 70 fluturime janë anuluar të premten në aeroportin ndërkombëtar Köln-Bonn në Gjermani për shkak të grevës së punonjësve të shërbimeve tokësore.

Gjatë ditës në grevë u përfshinë rreth 220 persona, të cilët kërkonin rritjen e pagës.

Problemet për udhëtarët do të vazhdojnë gjatë gjithë ditës, deklaroi përfaqësuesi i kompanisë operatore të aeroportit.

Që nga fillimi i këtij viti kjo është greva e katërt në aeroportin e Nord-Rhein Westfalen.