Prishtinë, 5 shkurt - Për 200 mijë numrat që i shfrytëzon operatori mobil virtual “Z Mobile”, të cilët njëherit i sjellin përfitime milionëshe, PTK-ja vazhdon t’i paguajë Monaco Telecomit, në emër të shfrytëzimit të kodit shtetëror (+377).

Çështja e numrave që i ka në shfrytëzim “Z Mobile”, pronë e Devolli Group, nuk është paraparë në kontratën midis palëve dhe për shkak se kompania publike deri më tani ka humbur hiç më pak se 3 milionë euro.

Për çdo numër me të cilët bën biznes operatori virtual, kompania publike i paguan rreth 50 cent në muaj Monaco Telekomit, me ç’rast pagesa mujore për 200 mijë numrat e Z Mobile arrin në rreth 100 mijë euro, apo rreth 3 milionë euro për tri vjet sa është në treg operatori mobil virtual.

/Zëri/