Paris, 26 shtator - Janë pezulluar negociatat mes përfaqësuesve të pilotëve grevistë të kompanisë së linjave ajrore të Francës dhe drejtorit të kësaj kompanie.

Mediat franceze bënë të ditur se këto negociata janë pezulluar të enjten në ditën e 11-të të grevës së pilotëve të kompanisë Air Franc për shkak të organizimit të mbledhjes së këshillit drejtues së kompanisë Air Franc.

Pilotët grevistë të kësaj kompanie në ditën e 11-të të grevës së tyre ende insistojnë me kërkesat e tyre për përmirësimin e kushteve të punës, ndërsa kanë njoftuar se do të vazhdojnë grevën edhe ditën e premte.

Pilotët të enjten kanë deklaruar se ende nuk janë krijuar kushtet për t’i dhënë fund kësaj greve. Vlen të theksohet se greva e pilotëve të kompanisë Air Franc konsiderohet greva më e gjatë në historinë e kësaj kompanie.

Kjo lëvizje protestuese e cila sipas disa hulumtimeve ka shkaktuar dëme financiare nga 10 deri 15 milionë euro në ditë, por vazhdon pavarësisht kërkesës së vazhdueshme të kryeministrit dhe presidentit francez për t’i dhënë fund kësaj greve.