Prishtinë, 17 shkurt - Është vënë në jetë një projekt tjetër i rëndësishëm për transportin e Stambollit.

Përurimin e urës mbi Bririn e Artë që lidhë rrjetin e linjave të metros të qytetit e bëri Kryeministri Rexhep Tajip Erdoan.

Kryeministri Erdoan këtë urë e cilësoi si një hap historik të Turqisë.

Duke theksuar se me linjat e reja të hapura në Stamboll gjatësia e rrjetit të metros doli në 141 km, Kryeministri Erdoan njoftoi se projekti do të vazhdoj me ndërtimin edhe të 110 km të tjera të këtij rrjeti.

I ulur në karrigen e makinistit Kryeministri Erdoan bëri edhe udhëtimin e parë në këtë linjë që do të lidhë lagjet Jenikapi me Haxhiosman në Stamboll.