Munich, 14 shtator - Stacioni kryesor hekurudhor i qytetit gjerman të Mynichut është mbyllur për shkak të një kërcënimi me bombë.

Simon Hegewald i departamentit të policisë së Mynihut thotë se ata e kanë trajtuar seriozisht kërcënimin:

\"Rreth orës 6:05 të pasdites një qen policie i trajnuar për të gjetur eksplozivë, dalloi diçka afër qendrës së informacionit. Ne duhet ta marrim këtë seriozisht dhe kemi njoftuar skuadrën antieksploziv të policisë. Tani ata janë duke hetuar për të parë nëse ka rrezik dhe nëse vendndodhja mund të pastrohet përsëri.\"

Kërcënimi me bombë i ka detyruar zyrtarët në Mynich të ndryshojnë orarin e trenave. Në stacionin hekurudhor të Mynihut po mbërrijnë tani me mijëra azilkërkues.

Ndjenjat kundër emigracionit në muajt e fundit në Gjermani kanë ardhur duke u rritur.

Një objekt për strehimin e emigrantëve u dogj muajin e kaluar në rrethinat e Berlinit.