Prishtinë, 28 prill - Sot ka filluar asfaltimi i rrugës “Ekrem Rexha”, pjesë e unazës “Qendër”, e cila e lidh rreth rrotullimin në lagjen “Arbëria” me rrethrotullimin në drejtim të Mitrovicës.

Me këtë rast, nënkryetari i Komunës së Prishtinës, Dardan Sejdiu vizitoi punimet që janë duke u zhvilluar në këtë rrugë.

Drejtori i Infrastrukturës Lokale, Hysen Durmishi tha se në këtë projekt është zgjidhur edhe çështja e kanalizimit ndërsa sot po vazhdohet me fazën finale, gjegjësisht shtrimin e shtresës së asfaltit.

Durmishi tha se shtresa e asfaltit të kësaj rruge është e përbërë nga tri shtresa, me trashësi prej 18 cm.

Vlera e këtij projekti do të jetë rreth 500 mijë euro.