Prishtinë, 6 shkurt - Ministri i Zhvillimit Ekonomik Fadil Ismajli dhe drejtori i Postës së Kosovës  Sejdi Hoxha sot nënshkruan marrëveshje për shërbimet universale dhe te rezervuara postare.

Me këtë rast ministri  Ismajli  tha se me këtë  marrëveshje qytetarëve të Republikë së Kosovës do t’u ofrohet një shërbim më i shpejte, efikas, dhe me çmime shumë të volitshme.

Ai po ashtu tha qe do të mbështesë Posten, dhe që Qeveria e Kosovës është e gatshme të subvencionoj, nëse është nevoja, këto shërbimet universale dhe të rezervuara.

Nga ana e tjetër drejtori i Postës  së Kosovës  Sejdi Hoxha  shprehu gatishmërinë e tij që t’i marrë të gjitha obligimet që dalin nga kjo marrëveshje por edhe nga Ligji për shërbimet Postare në Kosovë, duke siguruar se Posta e Kosovës  do të vazhdojë t’i ofrojë qytetarëve shërbime postare sa më të shpejta.