Prishtinë, 5 janar Aeroporti i Prishtinës “Adem Jashari”, ka njoftuar se si rrjedhojë e kushteve atmosferike, sot në mëngjes në Aeroportin Ndërkombëtar të Prishtinës “Adem Jashari”, fluturimi i “Turkish Airlines” ka arritur me një vonesë prej 50 minutash.

“Gjithashtu edhe fluturimi i dytë më radhë, i operuar nga ‘Edelweiss’ kishte një vonesë prej dhjetë minutash. Ndërsa fluturimet tjera janë duke u operuar normalisht”, është thënë në njoftimin e ANP-së, i postuar në faqen zyrtare në “Facebook”.