Deçan, 23 nëntor - Ministri i Infrastrukturës, Lutfi Zharku me bashkëpunëtorë, do të përurojë përfundimin e punimeve për fazën e parë të projektit të asfaltimit të rrugës Deçan - Kozhnjerë.

Po ashtu, ministi Zharku do të inaugurojë fillimin e punimeve projektet infrastrukturore në qendër të Deçanit ku do të inaugurohet projekti për asfaltimin e rrugës “Dëshmorët e Deçanit”.

Më pas në rrugën e Dobrunjave do të inaugurohet projekti për asfaltimin e rrugës “Isa & Valdet Kuçi”.

Si dhe krejt në fund në fshatin Isniq do të inaugurohet projekti për asfaltimin e rrugëve “Skënder Rexhahmetaj - Ali Musa”.