Prishtinë, 6 korrik - Ministri i Infrastrukturës, Lutfi Zharku me bashkëpunëtorë sot do të marrë pjesë në inaugurimin e vazhdimit të asfaltimit të rrugës Botushë-Koshare, me gjatësi prej 8.3 kilometrash.

Vlera e kontratës së këtij projekti është 725,252.49 €, ndërsa procedurat e prokurimit i ka kryer Ministria e Infrastrukturës, e cila është edhe investitore e realizimit të projektit.

Projekti i kësaj rruge fillon nga fshati Botushë dhe vazhdon deri në Koshare, pikërisht te varrezat e dëshmorëve të rënë në betejën e Kosharës.

Afati për realizimin e projektit është 180 ditë pune.