Ministri Abrashi vizitoi trasenë e Autostradën Prishtinë - Han i Elezit
Fokusi i kësaj vizite ishte njohja nga afër me programin e trajnimeve të sigurisë dhe shendetit që implementohet nga Bechtel-Enka.
Ministri poashtu zhvilloi takime me drejtorin e projektit Chris Jennions dhe Menaxherin e Sigurisë dhe Shëndetit, Laurentiu Darandau, të cilët e njoftuan me programet e plota, modulet dhe formatin e trajnimit të punëtorëve në kompani dhe rëndësisë që ka ky trajnim për të gjithë të punësuarit.
Ata patën dhe një vizitë në Autobusin E Gjelbër, hapsirën trajnuese të lëvizshme që nisi sot punën në terren për të bërë të mundur që informacioni dhe mesazhet mbi sigurinë ti arrijnë të gjithë punëtorët dhe stafin në vendin e tyre të punës.
Ministri u takua nga afër me punëtorët që janë duke ndjekur trajnimin. Ministri shprehu vlerësimin e tij për programin dhe theksoi se siguria në punë duhet të jetë primare për të gjithë puëtorët dhe punëdhenësit dhe pse jo, ky model te implementohet dhe në kompanitë e tjera në Kosovë.
Kompania Bechtel-Enka GP, ka objektiv primar sigurinë në punë, dhe përmes programeve të shumta dhe Autobusit të Gjelbër ofron trajnime të sigurisë për të gjithë të punësuarit në vendpunishte prej tashmë 5 viteve të aktivitetit të saj në Kosovë.
