Prishtinë, 12 maj - Aeroporti Ndërkombëtar i Prishtinës “Adem Jashari”, ka njoftuar se sot rreth orës 15:00 ka ndodhur një aksident në pistë i një helikopteri të EULEX-it i cili fluturonte për qëllime trajnuese.

ANP-ja, ka bërë me dije se në këtë aksident ka një person të lënduar nga ekuipazhi i cili është dërguar menjëherë në spital dhe nuk ka të lënduar të tjerë.

“Aeroporti përkohësisht është i mbyllur dhe do të aktivizohet pas kthimit të shërbimit të zjarrfikësve në kategorinë e kërkuar për operime. Pas përfundimit të hetimeve do të jepen të dhëna shtesë”, thuhet në komunikatë e ANP-së..