Prishtinë, 13 nëntor - Më shumë se 2 mijë serbë kanë paraqitur kërkesat për regjistrimin e automjeteve të tyre duke pranuar edhe ndryshimin e targave serbe me ato të Republikës së Kosovës.

Sipas zëvendësministrit të Punëve të Brendshme të Kosovës, Sasa Rashiq Kosova përmes Interpolit dhe EULEX-it ka bërë kërkesën për verifikim e automjeteve në Ministrinë e Punëve të Brendshme në Beograd që ato të mos jenë të vjedhura, por sipas tij ende nuk ka arritur përgjigje për validitetin dhe legalitetin e automjeteve.

Me marrjen e një përgjigjeje nga Beogradi menjëherë do të lëshohen në qarkullim tabelat e rregullta të Kosovës.