Prishtinë, 4 nëntor - Sekretari i Përgjithshëm i Ministrisë së Punëve të Brendshme, Hajzer Salihu së bashku me kryetarin e Komunës së Mamushës, Arif Bytyçi, nënshkruan sot një Marrëveshje bashkëpunimi.

Objekt i kësaj marrëveshjeje është ofrimi i shërbimeve ne Qendrën Komunale të Regjistrimit të Automjeteve për qytetarët e Komunës së Mamushës, me ç’rast  palët janë pajtuar që dy punëtorë të kësaj Komune të ofrojnë shërbime për qytetarët në kuadër të QKRA-së në Mamushë.

Në këtë Marrëveshje parashihet që orari i punës të jetë i njëjtë me orarin e punës së punëtorëve të Qendrës Komunale për Regjistrim Civil (QKRC), ndërsa obligimet rreth pagave dhe shpenzimet tjera për punonjësit i mbulon Komuna e Mamushës.