Prishtinë, 14 maj - Sot në inagurimin e projektit të fontantës së shkollës fillore ‘Hasan Prishtina’ Limak merr letër mirënjohje për kontributin e dhënë si sponzor kryesor në jetësimin e këtij projekti.

Ky projekt ishte fituar nga nxënësit e shkollës fillore ‘Hasan Prishtina’ gjatë një gare kombëtare dhe për jetësimin e këtij projekti fitues Aeroporti Ndërkombëtar i Prishtinës ‘Adem Jashari’ ka ndarë një shumë të hollash si dhe detajizimi i projektit është përfunduar nga arkitekët e Aeroportit Ndërkombëtar të Prishtinës.

Përfaqësuesit e ANP’Adem Jashari’ gjatë kësaj ceremonie duke e cilësuar këtë projekt si kryevepër për moshën e fëmijve ndër tjerash kanë thënë se kompania ka përkrahur dhe vazhdon të përkrah projekte të tilla në fushën e edukimit, kulturës dhe sportit si dhe ka njoftuar se do të jetë njëri ndër sponzorët gjeneral të ndeshjes futbollistike në mes Turqisë dhe Kosovës.