Ankara, 7 janar - Sipas lajmit të ditores turke “Hürriyet”, kompanitë ajrore private turke “Pegasus Airlines” dhe “Onur Air” kanë pezulluar fluturimet e planifikuara për në Rusi, pasi kjo e fundit kërkon viza për ekuipazhin.

Kompanitë ajrore private turke “Pegasus Airlines” dhe “Onur Air” kanë marrë vendim për të pezulluar përkohësisht fluturimet e rregullta të planifikuara për në Rusi, për shkak të procedurave që Moska ka filluar të ndjekë në kundërshtim me normat e aviacionit ndërkombëtar civil duke kërkuar nga personeli i ekuipazhit të këtyre shoqërive ajrore të pajisen me viza ruse.

Ndërkohë që Linjat Ajrore Turke (THY) vazhdojnë ti realizojnë fluturimet e rregullta, opinioni po ndjek me kureshtje se si do të zgjidhet kriza.