Romë, 29 korrik - Të paktën 39 veta vdiqën nga përplasja dhe rrëzimi i një autobusi turistik në jug të Italisë të dielën në mbrëmje.

Aksidenti ndodhi pranë qytetit të Avelinos në rajonin e Kampanias, kur një autobus me turistë u përplas me disa makina në autostradë dhe pastaj u rrëzua në një humnerë.

Policia vendore tha se 39 udhëtarë kanë vdekur, përfshirë edhe disa fëmijë dhe drejtuesin e autobusit, ndërsa nëntë të tjerë kanë dëmtime të rënda.

Shkaqet e aksidentit janë ende nën hetim. Agjencia italiane e lajmeve ANSA njofton se autobusi mund të ketë pasur probleme me frenat kur ndodhi përplasja.