Prishtinë, 11 prill - Kompania ajrore Norwegian Air që në sezonet e kaluara operonte fluturime vetëm në periudhën e sezonit të lartë veror, për sezonën verore 2015 ka planifikuar të operoj fluturime direkte që lidhin Prishtinën me Oslon përgjatë tërë sezonit veror dhe këtë duke filluar nga sot.

Poashtu, fluturimeve të Oslos ju shtohen edhe fluturime tjera të planifikuara nga Norwegian Air për sezonën e lartë të fluturimeve në periudhën prej 22 Qershor deri më 14 Gusht.

Norwegian Air, do të operojë fluturimet e saj me frekuencë një herë në javë me aeroplan të tipit B737-800 me kapacitet 186 ulësesh.

Oslo është një nga destinacionet mjaft atraktive të diasporës sonë që jeton në vendet skandinave dhe këto fluturime do të mundësojnë udhëtime direkte të bashkëatdhetarëve tanë.