Prishtinë, 9 gusht - Për gati pesë vite Hungaria do të kontrollojë hapësirën ajrore të Kosovës, gjë e cila privon këtë të fundit nga kjo e drejtë.

Vendimi ka ardhur si rezultat i një marrëveshje të bërë mes Hungarisë dhe KFOR-it. Marrëveshja parasheh që për pesë vite Hungaria të realizojë të gjitha shërbimet ajrore dhe po ashtu t\'i menaxhojë ato, shkruan Tribuna.

“Qëllimi i kësaj marrëveshjeje është adresimi i të gjitha aspekteve të delegimit të ofrimit të shërbimeve të navigacionit ajror në hapësirën e dizajnuar ajrore te Hungaria, e cila vepron përmes autoriteteve të saj përkatëse dhe OSHNA-s”, thuhet në Nenin 1 të marrëveshjes.