Prishtië, 29 maj - Drejtoria e Shërbimeve Publike, Mbrojtjes dhe Shpëtimit, ka aprovuar kërkesën për dhënie të pëlqimit për garën automobilistike që do të mbahet më 1 qershor, nga ora 10:00 deri në ora

16:00, në rrugën “B”, kërkesë kjo e parashtruar nga A.M.K.K. “Prishtina Racing Team”.

Gara fillon nga kryqëzimi i rrugës “Muharrem Fejza” me rrugën “B”, duke lënë të lirë rrethrrotullimin, kalon nëpër kryqëzimin e rrugës “Hyzri Talla” me rrugën “B”, vazhdon deri në fund të rrugës “B”, dhe me kthim gjysmë rrethor vazhdon të njëjtin itinerar.

Drejtoria e Shërbimeve publike, Mbrojtjes dhe Shpëtimit, ka ofruar po ashtu ndihmë me një ekip të zjarrfikësve, por që pëlqimi të jetë i vlefshëm, duhet të konfirmohet edhe prezenca e ekipeve tjera të domosdoshme për mbarëvajtjen e kësaj gare, siç janë Policia e Kosovës dhe Ndihma e Shpejtë.

Parashtruesi i kërkesës në bashkëpunim me Policinë e Kosovës duhet të ndërmerr të gjitha masat e sigurisë, në mënyrë që të mos ketë pasoja për banorët e lagjes.