Prishtinë, 19 dhjetor - Zyrtarja për informim në Aeroportin Ndërkombëtarë të Prishtinës “Adem Jashari”, Valentina Gara, ka deklaruar se, sot pas orës 11:00, ka ateruar aeroplani i parë që ka ardhur nga Gjeneva.

Ajo ka bërë të ditur se nga dje pasdite e deri sot në orën 11:00 nuk ka pasur fluturime për shkak të mjegullës së dendur. Gara ka thënë se tashme një numër i madh i udhëtarëve po presin në ambientet e aeroportit.

“Tani po presim që të aterojnë disa aeroplanë të tjerë. Sipas meteorologëve tanë deri në orën në orën 15:00 mund të ketë fluturime nga aeroporti i Prishtinës, pasi që më vonë pritet të ketë prapë mjegull”, ka thënë Gara.