Kajro, 20 shtator - Egjipti dhe Arabia Saudite nënshkruan marrëveshjen për ndërtimin e një ure nëpër Detin e Kuq, njofton botimi gjerman “Der Spiegel”.

Ura me gjatë 32 kilometra do të lidhë dy vendet, duke shkurtuar në këtë mënyrë udhëtimin nga një vend në tjetrin deri në 22 minuta.

Udhëkalimi ka gjasa të ndërtohet në skajin e Gadishullit Sinai, jo larg qytetit turistik egjiptian Sharm el-Sheikh. Arabia Saudite e ka lobuar që prej vitesh ndërtimin e urës në fjalë.

Përparimi u arrit në realizimin e këtij projekti vetëm pas dorëheqjes së Presidentit egjiptian Hosni Mubarak, i cili dilte kundër këtij ndërtimi.