Prishtinë, 17 shtator - Qeveria e Kosovës, ka kërkuar Bordi i PTK-së të deklarojë dhe paguaj dividendin për aksionarin në shumën prej 10 milion euro.

Qeveria e Republikës së Kosovës, në cilësinë e ushtruesit të ligjshëm të aksionarit të Republikës së Kosovës në Ndërmarrjen Publike “Posta dhe Telekomunikacioni i Kosovës” vendosë që ministri i Financave të veprojë në emër të Qeverisë së Republikës së Kosovës, si aksionar i vetëm në PTK, të ndërmarr të gjitha masat e ligjshme për realizimin e të drejtës dhe të kërkoje nga Bordi i PTK-së të deklarojë dhe paguaj dividendin për aksionarin në shumën prej 10 000 000 euro (dhjetë milion euro).