Beograd, 27 gusht - Sipas burimeve anonime të gazetës “Danas” të Beogradit, Serbia ka pranuar që Kosova të ketë kod të veçantë telefonik ndërkombëtar, që do të vihet në përdorim pas vitit 2015.

Në këto dy vite, shkruan gazeta serbe, Kosova do të përdorë prefiksin e Serbisë.

Në qarqet diplomatike ndërkombëtare, spekulohet se është e mundur që të shtyhet marrëveshja për energjetikën, edhe pse ajo nuk përfshin sistemin hidroenergjetik “Gazivoda”, për të cilin do të bisedohej në kuadër të furnizimit me ujë. 

Njoftohet se Beogradi ka pranuar që sistemi transmetues energjetik në Kosovë të jetë në kuadër të KEK-ut.

Në takimin e sotëm Thaçi–Daçiç pritet edhe deklarimi dhe sqarimet rreth kontestimeve për zgjedhjet e 3 nëntorit.