Prishtinë, 2 qershor - Pas lansimit të Paktit Evropian për Rininë në Kosovë, dhe pas një sërë aktivitetesh të kompanive dhe të Rrjetit në kuadër të këtij Pakti, Rrjeti CSR Kosova organizon ceremoninë e ndarjes së Çmimeve “Champion of Youth” (Kampion i Rinisë) për kompanitë anëtare që kanë dhënë kontribut konkret në lidhje me rritjen e punësimit dhe punësueshmërisë së të rinjve.

Përmes këtij çmimi, kompanive do u njihet kontributi në ndërtim partneritetesh biznes-arsim, ofrim të punës praktike dhe zanatësisë për të rinjtë, trajnime, bursa, dhe aktivitete tjera që rrisin punësimin dhe punësueshmërinë e të rinjve në Kosovë.

Ndarja e çmimeve do të bëhet bashkë me Ministrin e Punës, Arban Abrashi dhe Ministrin e Arsimit, Arsim Bajrami.