Otava, 7 korrik - Prodhuesi kanadez i trenave “Bombardier” do të shkurtojë më shumë se 1.400 vende pune nga fabrika në Derbi, Britani të Madhe, pasi kompania humbi nga “Simens”-i gjerman në garën për përtëritjen e parkut vozitës të linjës hekurudhore në Londër.

“Bombardier” lajmëroi se do të shkurtojë 446 punëtorë të përhershëm dhe 983 punëtorë të përkohshëm nga personeli i fabrikës në Derbi, ku kompania është punëdhënëse e rreth 3.000 britanikëve.

“Humbja e kontratës për projektin do të thotë se do të duhej të përshtatet fuqia punëtore me situatën ekonomike”, theksoi Frensis Paonesa, drejtor i departamentit për udhëtar të “Bombardier” në Britani të Madhe.