Bruksel, 6 janar -  Bashkimi Evropian (BE), ka konfirmuar se Austria ka aplikuar në ITU që Kosovës t’i ndahet kodi shtetëror telefonik në bazë të marrëveshjes së Brukselit.

Këtë lajm  e ka konfirmuar në llogarinë e vet në “Twitter”, Angelina Eichhorst, e cila në Shërbimin për Politikë të Jashtme dhe Siguri të Bashkimit Evropian është drejtoreshë për Evropën Perëndimore, Ballkanin Perëndimor dhe Turqinë.
Eichhorsti e ka marrë këtë detyrë para disa muajve si pasardhëse e Fernando Gentilinit.

Ministrja për Dialog në Qeverinë e Kosovës, Edita Tahiri të martën kishte bërë me dije Kosova ka aplikuar nëpërmjet Austrisë për kodin e ri telefonik shtetëror i cili do të jetë +383.