Prishtinë, 15 maj - Banka Islamike i ka akorduar Kosovës plot 60 milionë dollarë për ndërtimin e autostradës nga Prishtina në Mitrovicë. Kështu ka deklaruar kryeministri i Kosovës, Hashim Thaçi për Koha.net.

“Qeveria e Kosovës ka arritur marrëveshje me Bankën Islamike për një kredi prej 60 milion dollarësh, të cilat do të investohen në autostradën Mitrovicë-Prishtinë”, ka deklaruar
Thaçi dje në qytetin buzë Ibrit.

Autostrada “Ibrahim Rugova”, që sipas projektit të parë duhet të shtrihet nga Vërmica në Merdar, shmangte Mitrovicën, si njërin nga qytetet e rëndësishme të vendit.