Prishtinë, 1 korrik - Ambasada Amerikane në Prishtinë, ka bërë me dije se mirëpret përmbylljen me sukses të marrëveshjes në mes të Qeverisë së Kosovës dhe “Bechtel-ENKA”-s për ndërtimin e rrugës 6.

“’Bechtel’ është ndër ndërmarrjet më të suksesshme amerikane që veprojnë në rajon dhe shquhet për ndërtimin e rrugëve të sigurta dhe shumë cilësore me standardet më të larta inxhinjerike.

Rruga 6 do t’i shërbejë rritjes së tregtisë dhe turizmit në Kosovë dhe do të sjellë mundësi të reja ekonomike për rajonin”, është thënë në komunikatën e Ambasadës Amerikane në Prishtinë.