Asfaltohen 9 rrugë në Livoç të Epërm të Gjilanit
Gjilan, 27 prill - Komuna e Gjilanit, në kuadër të programit të realizimit të katërshes infrastrukturore, ka asfaltuar 9 rrugë në fshatin Livoç të Epërm.
Kryetari i Komunës, Lutfi Haziri, ka thënë se kjo është vazhdimësi e punëve për heqjen e lloçit dhe vadave., në qytet dhe fshatra.
“Kohë më parë janë asfaltuar rrugët te Jabuqtë, derisa tash jemi në Livoç të Epërm. Nuk do të mbetet rrugë pa u ndërtuar me të gjitha elementet përcjellëse. Tash jemi duke punuar në finalizimin e rrugës “Skifter Arifi” që është një hapje dhe lehtësim i madh i qarkullimit”, ka thënë Haziri.
Ai ka konfirmuar se do të vazhdojnë realizimin e projekteve në Livoç të Poshtëm, Malishevë të Epërme, rrugën Zabel-Uglarë, rrugën “Enver Miftari” në qytet, sikurse që ka thënë se do të inicohen edhe projekte të tjera.
Kosto e ndërtimit të rrugëve në Livoç të Epërm është mbi 370 mijë euro.
