Detroid, 19 prill - Koncerni “Airbus” nënshkroi sot kontratën më të madhe në historinë e vet për furnizimin e 234 avionëve "A320". Blerësja e avionëve është kompania indoneziane “Lion Air”.

Çmimi total i kontratës arrin në 18.4 miliardë euro. Kjo porosi do të ofrojë vende pune për 5.000 punonjës të koncernit në Francë gjatë dekadës së ardhshme.

Ceremonia e nënshkrimit të kontratës u zhvillua në Pallatin Elize, në prani të Presidentit François Hollande.

Në fillim të vitit 2012 kompania “Lion Air” nënshkroi një tjetër kontratë të konsiderueshme me rivalin kryesor të "Airbus" - kompaninë amerikane “Boeing”, për të cilën blerja nga ana e kompanisë ajrore indoneziane e 230 avionëve “Boeing-737” u shndërrua gjithashtu në kontratën më të madhe të nënshkruar ndonjëherë më parë.