Pekin, 27 dhjetor - Aeroporti ndërkombëtar i Pekinit është aeroporti i dyti në botë për fluksin e udhëtarëve. Këtë vit, ky aeroport ka pritur gjithsej 80 milionë udhëtarë.

Ndërsa, në vendin e parë renditet Aeroporti Ndërkombëtar i Atlantës në SHBA. Zhang Guanghui, menaxheri i përgjithshëm i aeroportit të Pekinit u shpreh se nëse fluksi i udhëtarëve do të vazhdojë me këto ritme, aeroporti i Pekinit mund të rendit i pari në vitin 2015.

Aeroporti ndërkombëtar i Pekinit nisi punën në vitin 1958 dhe aktualisht në të operojnë 94 linja fluturimi të cilat kryejnë fluturime në 127 destinacione të brendshme dhe 109 destinacione jashtë vendit.