Prishtinë, 23 qershor - Nga nesër me datë 24 Qeshor 2015, Adria Airways do të fillojë fluturimet nga Aeroporti Ndërkombëtar i Prishtinës për Malmo Suedi, duke zgjeruar hartën e destinacioneve për sezonën verore 2015.

Valentina Gara zëdhënëse e aeroportit ka bërë të ditur se fluturimet direkte nga/për Malmo do të ofrohen me frekuencë një herë në javë (të Mërkureve), dhe do të vazhdojnë deri më 2 Shtator 2015.

Fluturimet sipas sajdo të realizohen me aeroplanë të tipit A319 me kapacitet prej 144 ulëseve.

Nisjet nga Prishtina për Malmo do të bëhen në ora 16:00 dhe nga Malmo në ora 19:25, çdo të Mërkure.