Londër, 25 maj - Arsenali ka zyrtarizuar transferimin e Granit Xhakës nga Borussia Moenchengladbach.

Granit Xhaka edhe zyrtarisht është lojtar i Arsenalit. Këtë e ka konfirmuar klubi londinez nëpërmjet një njoftimi për media.

“Arsenali ka arritur një marrëveshje me Granit Xhakën për t\'u bashkuar me klubin për një kontratë afatgjatë”, thuhet në njoftimin e Arsenalit.

Arsenali nuk ka zbuluar çmimin e blerjes së Xhakës. Por, sipas mediave britanike Xhaka i ka kushtuar klubit londinez 43 milion euro.