Barcelonë, 22 korrik - Drejtori sportive i Barcelonës, Andoni Zubizareta ka udhëtuar në Argjentinë për të takuar trajnerin argjentinas të Neëell's Old Boys, Gerardo Martino, të cilit do ti bëhet një ofertë për të drejtuar Barcelonën.

Stoli i trajnerit të ‘blaugranëve’ ka ngelur i zbrazët pas largimit të trajnerit të deritanishëm Vilanova, për shkak të problemeve shëndetësore.

Martino shihet si një nga trajnerët më të mirë dhe që do ti pëlqente edhe kryetarit të klubit Rosel. Por, nga ana tjetër në bisedime janëedhe trajnerët Luis Enrique dhe Villa Boa, ndërsa një pjesë e mediave kanë përmendur edhe emrin e trajnerit të kombëtares boshnjake, Safet Sushiç.