Podujevë, 23 nëntor - Federata e Futbollit e Kosovës ka bërë të ditur së sot në stadiumin “Zahir Pajaziti” në Podujevë do të zhvillohet ndeshja finale e Kupës së Kosovës në konkurrencën e femrave, ndërmjet Llapit dhe Mitrovicës.

Kjo finale i takon edicionit garues 2019/2020 dhe ishte paraparë të zhvillohej në periudhën maj-qershor, por për shkak pandemisë dhe orarit të ngjeshur të ndeshjeve ka qenë e pamundur të zhvillohet deri më tani.