Moskë, 28 gusht - Zenit St. Peterburg nis gjuetinë për Luis Nani. Sipas asaj që shkruan tabloidi britanik "Daily Mail", klubi rus është gati të paraqesë te Manchester United ofertën prej 25 milionë sterlinash (rreth 30 milionë euro) për portugezin, i cili nuk ka rinovuar akoma me "Djajtë e Kuq".

Në fillim të gushtit trajneri i Zenit, Luciano Spalletti shfaqi interesimin e tij për Nani, i cili kishte takuar emisarët e klubit rus gjatë samitit të merkatos në Amsterdam.

Kur duhen edhe 3 ditë nga mbyllja e merkatos së verës dhe kur Manchester United do ti duhet të bëjë dy muaj pa Wayne Rooney, vetëm një shifër e çmendur mund të largonte Luis Nanin nga Old Traford.