Manchester, 23 mars - Mesfushori kosovar i Baselit, Granit Xhaka është i destinuar për të luajtur te skuadra angleze me më në së shumti trofe të fituar, Manchester United, shkruan ueb faqja “Bleacherreport.com”.

Kjo ueb faqe ka përpiluar një listë prej pesë futbollistëve që janë të destinuar për “Old Trafford”, ndërsa Xhaka 19-vjeçar është renditur në mesin e tyre.

“FC Basel ka humbur luftën për të mbajtur Xherdan Shaqirin, ndërsa Granit Xhaka duket se është lojtari tjetër që do të largohet në verë. Xhaka 19-vjeçar do të kushtojë lirë në krahasim me të tjerët në listë, pasi klauzola e tij për lirim është 10 milionë euro.

Talenti zviceran ka impresionuar trajnerin e Unitedit, Sir Alex Ferguson, kur skuadrat e tyre janë takuar në Ligën e Kampionëve.

Besohet se Xhaka mund të jetë alternativë në rast se Unitedi dështon të transferojë holandezin e Interit, Wesley Sneijder”, ka komentuar “Bleacherreport.com”.