Barcelonë, 18 nëntor - Ish-kapiteni i Barcelonës, Xavi, thotë se Lionel Messi është lojtari më i mirë në histori të futbollit.

Debati se Messi dhe Cristiano Ronaldo janë më të mirë se Diego Maradona dhe Pele ka qarkulluar që shumë kohë dhe sipas Xavit, Messi është më i miri.

“Pele dhe Maradona kanë bërë diferencën, por futbolli është zhvilluar. Lojtarët tani janë më të mirë, loja është më e mirë”.

“Fizikisht, faktikisht, teknikisht futbolli tani është më i mirë se më parë. Dhe Messi është më i miri në kohën më të mirë në histori të futbollit”, ka thënë Xavi për “ESPN”.