Madrid, 15 gusht - Wigani ka arritur të sigurojë transferimin e sulmuesit Arouna Kone nga klubi spanjoll, Levante.

28 vjeçari besohet se ka kaluar testet mjekësore me klubin anglez dhe nënshkroi kontratë me Wiganin.

Këta të fundit arritën marrëveshje prej 2.7 milionë funtesh me Levanten për transferimin e sulmuesit nga Bregu i Fildishtë.

Kone mbahet mend shumë mirë nga tifozët e Real Madridit. Ai ishte realizatori i vetëm në fitoren prej 1-0 të arritur sezonin e kaluar nga Levante ndaj klubit mbretëror spanjoll.