Bremen, 15 nëntor - Werder Bremen ka shprehur interesim për të nënshkruar me sulmuesin e Juventusit, Amauri, shkruan Tuttomercato.

Braziliani me nënshtetësi italiane nuk është përfshirë në ekipin e parë të Juventusit pasi kishte refuzuar ofertat nga Fenerbahce dhe Olympique Marseille gjatë verës. Amauri synoi që të dëshmonte veten në Serie A, por me mënyrën se si shkojnë gjërat ai pritet të largohet në afatin kalimtar të janarit.

31-vjeçari raportohet se ka joshur interesimin e Werder Bremen që synon të jetë një rival serioz për titullin e Bundesligës, ku për momentin pozicionohet i treti në tabelë.

Megjithatë, mendohet se Amauri do të mendojë vetëm një transferim në formë huazimi pasi dëshiron të jetë lojtar i lirë kur kontrata e tij me Juventusin të skadojë në fund të sezonit, kur do të mund t`i rishikojë më i qetë planet e tij.