Londër, 21 mars - Trajneri i Arsenalit, Arsene Wenger ka thënë se ai nuk e ka ndërmend të largohet nga klubi i tij aktual edhe pse ka dështuar që në këtë sezon t’i mbajë premtimet e tij pasi para se të fillonte ky sezon ai i ka premtuar shumë fansave të Arsenalit.

Arsenali është eliminuar nga faza 1/8-ta e finales së Ligës së Kampionëve, ka humbur finalen e Kupës së Ligës, dhe është eliminuar nga FA Cup por kjo nuk i ka mjaftuar që Wengerit të jep dorëheqje pasi ai do të qëndroj ende te Gunners.

“Unë kam një kontratë me Arsenalin dhe dua ta respektoj atë. Nëse ju shikoni çfarë kemi bërë në këtë sezon atëherë ne meritojmë shumë lëvdata”.

“Ka parashikuar dikush se ne do të ishim tani ku jemi në ligë, pra para Chelseat dhe Manchester Cityt dhe duke luftuar për titullin e Premier League? Askush”, tha Wenger për Daily Mail.