Londër , 6 qershor - Trajneri i Arsenalit, Arsene Wenger, është duke u përgatitur për ta shitur asin Cesc Fabregas gjatë kësaj vere.

Sunday Mirror pohon se 24-vjeçarit do t`i plotësohet dëshira për t`u larguar nga Arsenali dhe sipas të gjitha gjasave të rikthehet në vendlindje te Barcelona.

Wenger dëshiron ta mbajë ende lojtarin, por me interesimin e Realit në ngritje, Barcelona nuk dëshiron ta humbasë terrenin dhe dashurinë e kapitenit të Arsenalit, i cili me ngulm e ka kërkuar rikthimin në vendlindje.