Londër, 23 tetor - Mesfushori i Arsenalit i cili kërkohej me ngulm nga ekipi i "Zonjës së Vjetër", Theo Walcott ka mohuar se do të kalonte tek Juventusi pasi sipas tij rëndësi ka rinovimi i kontratës dhe jo largimi nga Arsenali.

Walcott për mediat angleze tha "Shpresoj se së bashku me klubin do të ulemi dhe të bisedojmë për një marrëveshje të re dhe jo për një largim nga Emirates".

Ky lajm do të jetë një nxitje për trajnerin e "Topçinjveve", francezin Arsene Wenger pas fillimit të vështirë të këtij sezoni në Premierligë.

Kohë më parë Arsenal ka humbur shërbimet e kapitenit, Cesc Fabregas dhe mesfushorit francez, Samir Nasrit.